The Cursed Chain Letter

Description

     IAnybody can write a chain letter. Sa tamang salita, pwede silang mangako. Pwede silang magbanta. Kaya naman nang matanggap ng Grade 12 student na si Allison Ferrer ang nakakatakot na chain letter mula sa dating classmate na si Serena, pinagtawanan niya ito. Ipinadala kay Cath, kaibigan at dormmate niya bilang joke. Pero sa halip na i-resend sa iba pang mga kakilala, inasar niya si Serena. Pinadalhan niya ito ng customized chain letter niyang mas exaggerated sa kalokohan.
     Dinedma niya ang cursed letter. Isang hakbang na gumulo sa isipan niya nang sumunod na araw. Nabalitaan kasi niyang nasawi sa isang freak accident ang dating kaklase. Sa tingin niya, kalokohan pa rin ang cursed letter. Pero aalamin niya ang misteryo sa likod niyon.
     Isa na kasi siya sa mga pwedeng mamamatay dahil sa isinumpang chain letter.